 |
| 鮮一夜火鍋 |
同朋友係荃灣行街行到攰，天氣又凍，所以決定搵間火鍋店烚下烚下，行到眾安街大鴻輝中心見到呢間「鮮一夜火鍋」有個「一夜皇御套餐」，唔單止有得打邊爐，仲有雞煲、鮑魚、刺身等等，於是就決定食呢間！
 |
| 一夜皇御套餐 |
 |
| 五色刺身併盤(三文魚、帶子、赤蝦、希靈魚、北寄貝) |
一坐低侍應就會過嚟問雞煲想食大辣、中辣定小辣，我地都麻麻地好辣，所以就揀左小辣。揀好雞煲辣度之後，侍應就拎左五色刺身併盤俾我地喇～入面有三文魚、帆立貝、赤蝦、希靈魚、北寄貝，全部都好新鮮好好味！特別鍾意佢塊三文魚，夠哂肥美～
 |
| 紅燒花膠翅 |
食完刺身之後，就侍應馬上過嚟收野，拎左紅燒花膠翅比我地！個湯飲落好鮮甜，而且隻花膠真都幾大塊架～
 |
| 鮑汁扣海參併溏心靚鮑魚 |
仲有鮑汁扣海參併溏心靚鮑魚，鮑魚炆得好入味，而海蔘就彈形有口感～
 |
| 即炒奇妙雞煲 |
終於嚟到雞煲喇，我地叫左小辣都，都真係有小小辣架，不過食落又幾惹味。
 |
| 藥膳養身鍋 |
食到咁上下，就係時候打邊爐喇！火鍋湯底有六款可以揀，分別係藥膳養身鍋、杏汁豬肺鍋、重慶麻辣鍋、養氐椰子雞鍋、香濃豬骨湯、芫茜皮蛋湯，我地就揀左藥膳養身鍋。
 |
| 航母海鮮併盤(包括5-7款時令海鮮) |
係我地叫左嘅野食嚟之前，侍應會拎左航母海鮮併盤同安格斯肥牛比我地先，海鮮併盤入面啲蜆真係勁大隻，勁厚肉～
 |
| 安格斯肥牛 |
我最鍾意嘅就係佢地嘅安格斯肥牛，肉味濃郁之餘，肉質仲非常鮮嫩～
 |
| 50款火鍋配料任叫任食 |
食左咁多好野，我地都叫左啲清淡啲嘅蔬菜嚟打邊爐，大家可以去近門口嘅雪櫃度拎新鮮嘅蔬菜，隔離有野飲可以拎，飲品嘅選擇都幾多，可樂、雪碧都一定有，仲有道地嘅檸檬茶、菊花綠茶，其他有凍頂烏龍茶、忌廉溝鮮奶、牛蒡茶等等。
兩個半鐘，一邊慢慢食一邊同朋友傾計，真係好滿足呀！$300都唔洗就可以食到咁多好野，真係勁抵！下次再同屋企人去食先！
鮮一夜火鍋
地址：荃灣眾安街55號大鴻輝中心21樓B室
電話：31883386
晚市時段每位$268*(小童$98*)，任食火鍋2.5小時，18:00前或21:30後入座，全單可享85折優惠。
*另收加1服務費。星期五、六、日及公眾假期/前夕每位另加$30。
.jpg)
